„ОЧИ В ОЧИ“: ТВ дуелите почнуваат: Кој со кој ќе се соочи вечерва?

Добивај вести на Viber

ТВ дуелите може да се каже дека се најгледаниот дел на секоја ТВ програма.

За вечерва очи в очи се закажани три ТВ дуели во кои копјата ќе ги кршат претставници од опозицијата и од владеачката партија.

Според најавите граѓаните вечерва ќе може да ги проследат дебатите во 20:15 на МТВ 1 каде ќе се соочат Марјанчо Николов од СДСМ и Влатко Ѓорчев од ВМРО-ДПМНЕ.

Во 20:30 на ТВ Нова соочување ќе имаат Петре Шилегов од СДСМ и Илија Димовски од ВМРО-ДПМНЕ, додека во 21 часот на 24 Вести во „24 Анализа“ претседателот на комисијата за енергетика од СДСМ Митко Андреевски ќе се соочи со новиот директор на ЕЛЕМ, Христијан Мицкоски.

Засега е неизвесно кој ќе се појави на дуелот со Шилегов кој на фејсбук профилот напиша дека Димовски му откажал, а не се знае кој ќе го замени.

И јавниот сервис ќе се вклучува во редовни дебати секој четврток се до изборите, а не се знае дали претставниците од власта ќе бидат дел од истите.

Она што сепак јавноста сака да го види е ТВ ДУЕЛ меѓу двајцата лидери опоненти на власта и опозицијата Никила Груевски и Зоран Заев.

Досега Заев многупати го повика Груевски на дуел но без позитивен одговор.

Јавноста чека. Можеби екс премиерот ќе прифати да се соочи „тет а тет“ со „најголемиот политички неистомисленик“.