20 Ноември, 2017
0.3525
    ADIN 550    0%     ALK 7387.5    -0.29%     GRNT 825.36    -0.67%     KMB 2700    -0.04%     MPT 27000.21    -2.81%     MTUR 4101    -8.87%     OHB 4860    -2.8%     OKTA 2753    -2.97%     PPIV 39205    3%     REPL 54600    0%     STB 919.65    -1.62%     STIL 130    0%     TEL 272    0%     TETE 1850    2.78%     TPLF 1607    -2.97%     TTK 812.95    -0.74%     UNI 1905    -0.01%     VITA 7500    0%

Од 2016-та во 2017-та, рекапитулација и акција

Објавено во: Економија 10 Јануари, 2017

Преминот кон новата година обично е периодот во кој го анализираме сработеното во претходната и ги исцртуваме плановите за понатаму. За 2016-та веќе можеме да заклучиме дека беше натпросечно приносна година за вложувачите во акциски и обврзнички фондови. Глобалните пазари пораснаа за повеќе 8%, со доминација на американскиот пазар, кој оствари раст од речиси 12%. Со послаби резултати е европскиот пазар на капитал, кој годината ја заврши на речиси исто рамниште од коешто и ја започна.Сите споменати приноси се пресметани во евра, при што треба да се има предвид и податокот дека вредноста на американскиот долар се зголеми во однос на европската валута за добри 3%.

Во чекор со збиднувањата на пазарите се и фондовите под наше управување кои годината ја завршија со солидна позитива. Па така, КД ТОП БРЕНДОВИ кој ги покрива развиените пазари, оствари годишен принос од приближно 7%, ориентираниот кон големите пазари во развој КД БРИК додаде 11%, додека регионалниот КД НОВА ЕУ се искачи за над 12%во 2016-та.

Независно од берзанските резултати, редно е секој од нас да фрли погледконсвоите планови и нивната реализацијаво  изминатите година дена. Доколку имамевоспоставено соодветен пристаппри вложувањето, поголеми промени не се неопходни. Ако пак поради некоја причина не сме задоволни од преземените или пропуштените активности, сега е моментот за промени.Можеби планирањето на личните финансии кај нас не спаѓа во традиционалните новогодишни адети, но не е лошо да се знае дека уште древните Римјани имале обичај да ги претставуваат своите планови за годината која претстои пред својот бог Јанус, по кого всушност е и наречен месецот Јануари.

Да се навратиме малку на нашите прогнози од минатата зима. Предвидувавме помоќна Америка и продолжување на проблемите во рамките на Европската унија. За пазарите во развој споменавме дека се можни движења во двете насоки. Повеќето од нашите анализи се остварија. Американската економија беше и остана лидер во светски рамки. Ниската пак инфлација и единството во пристапот при решавањето на заедничките европски прашања, остануваат главните предизвици пред Европската централна банка. Во секој случај, се чини дека дури и во Европа трендот се обрнува нагоре. Иако темпото е побавно од она што го посакуваме, 2017-та секако изгледа пооптимистички за Европската Унија. Од друга страна, САД со доаѓањето на Трамп делуваат понепредвидливо, макар што најавените мерки би можеле позитивно да влијаат на акциските пазари. Се разбира не се исклучени ниту негативни последици при евентуални разочарувања од истите. Пазарите во развој ќе имаат засебни проблеми и патишта по кои ќе се движат. Околу изборот на соодветен пазар за вложување ни претстои макотрпна работа, со оглед на тоа што единствена насока тешко може да се очекува.

Во моментов се чини дека ова ќе биде релативно стабилна берзанска година. Макроекономското опкружување ќе продолжи да биде потпора за акциските пазари.Факт е дека моменталните евалуации се над долгогодишните просеци, меѓутоа ниските каматни стапки и солидните дивидендни приноси сеуште даваат упориште за надпросечните вредности. Корекции, дури и малку поголеми, се секогаш можни. Меѓутоа, како што се случи и минатата година, тоа би можело да биде добра прилика за вложување. Неизвесно останува уште темпото на опоравување во Европската унија, особено во банкарскиот сектор.Јасно е дека сè поголемата интеграција на глобално ниво и брзиот проток на стоки и информации создаваат пресвртници, па компаниите со најдобри бизнис модели брзо врват напред, додека останатите отпаѓаат од трката.  Можеме слободно да кажеме дека глобализацијата ги вади на виделина проблемите кои претходно биле вешто затскривани.

Очекуваме 2017-та да биде позитивна година, иако вложувањата треба внимателно да се одбираат поради одредени вредности кои се над долгорочниот просек.

Заради сето дотука изнесено, анализата ја завршуваме со советот кој го дадовме и минатата година – внимателно и постепено. Да ги оставиме жешките приказни настрана и да се фокусираме на долгорочниот пристап.

КД Фондови, повеќе од штедење

Можеби ќе ве интересира

НАФТАТА ПАЃА: Колку чини „црното злато“ на странските пазари?

НАФТАТА ПАЃА: Колку чини „црното злато“ на странските пазари?

Доналд Трамп лаже дека е мултимилијардер

Доналд Трамп лаже дека е мултимилијардер

Како странците побудалеа по македонскиот мермер?

Како странците побудалеа по македонскиот мермер?

НОВ РЕКОРД: Незапирливиот биткоин ги преминува сите граници

НОВ РЕКОРД: Незапирливиот биткоин ги преминува сите граници

ПРАТЕНИЦИТЕ ДАДОА „ЗЕЛЕНО СВЕТЛО“: Од каде ќе скрати Владата за да враќа стари долгови?

ПРАТЕНИЦИТЕ ДАДОА „ЗЕЛЕНО СВЕТЛО“: Од каде ќе скрати Владата за да враќа стари долгови?

КАДЕ ЧЕКОРИ ЕКОНОМИЈАТА: Ќе има ли повисоки плати и стабилни пензии?

КАДЕ ЧЕКОРИ ЕКОНОМИЈАТА: Ќе има ли повисоки плати и стабилни пензии?

На што ќе потроши Фондот за иновации 20 милиони евра?

На што ќе потроши Фондот за иновации 20 милиони евра?

Како да се наполни финансиската „дупка“ за пензискиот фонд?

Како да се наполни финансиската „дупка“ за пензискиот фонд?

Се „топи“ ли времето за ФЕНИ?

Се „топи“ ли времето за ФЕНИ?