Од оваа земја професионалните возачи масовно заминуваат
Објавено во: Балкан 06 Февруари, 2017
Од компаниите во БиХ објаснуваат дека ако бараат правници, на оглас се јавуваат најмалку 30 кандидати, а ако се бараат возачи, се јавуваат неколку.
Стручњаци од оваа област велат дека ако не се спречи заминувањето на возачите, во иднина нема да има кој да превезува стока и патници, а возилата ќе стојат на паркинг.
„Што ми вреди мене 15 години искуство со возење, лиценца, образование, ако таму каде живеам не можам да преживеам. Но, затоа во Осло, Франкфурт и Гетеборг живееш и работиш како нормален човек. Еве почнав да учам и германски јазик“ - вели Драган М. од Приједор кој сега работи во Словенија, а сака да замине во Германија.
Возачите не се задоволни од третманот во БиХ и од платите.
Од Здружението на возачи објаснуваат дека возачите масовно заминуваат, не затоа што сакаат во странство да бидат потстанари, но во БиХ не можат да си ги прехранат семејствата.
Додаваат дека не заминуваат само млади, туку и постари возачи.
Автопревозник од Мостар вели дека побарувачката е поголема од понудата и скоро едвај нашле пет возачи.
Во Германија за истата работа заработуваат по 2.500 евра, а во БиХ по 1000 марки.