ОД ПОЛНОЌ ПОСКАПИ ГОРИВА: Возачи ова се новите цени на бензинот и дизелот
Објавено во: Економија 13 Ноември, 2017
Од ноќеска на полноќ па се во следните две седмици, возачите ќе точат нафтени деривати за поскапи цени.
Регулаторната комисија ги соопшти новите цени.
Од вечерва на полноќ цените на бензините и дизелот се зголемуваат меѓу 2 и 3 денари.
Согласно методологијата која РКЕ ја користи за пресметка на цените, од вечерва на полноќ малопродажните цени на бензините и дизелот се зголемуваат во просек за 5.10 проценти.
Преведено во цени, тоа значи дека цените на ЕУРОСУПЕР-95 и ЕУРОСУПЕР-98 се зголемуваат за 2.50 односно 3.00 денари, и еден литар од овие горива ќе чини 66.50 односно 68.50 денари.
Цената на ЕУРОДИЗЕЛ горивото се зголемува за 2 денари, и еден литар дизел гориво ќе чини 54 денари.