Од ВМРО-ДПМНЕ бараат средства за обештетување на граѓаните на Охрид, Струга и Ресен
Објавено во: Македонија 22 Јули, 2017
Пратеникот од ВМРО-ДПМНЕ, Антонио Милошоски денеска на расправа за ребалансот на буџетот изјави дека ако се има политичка волја, новата Влада со ребалансот ќе одвои 2 милиони евра за обештетување на граѓаните од Охрид, Струга и Ресен за штетите од земјотресите.
„Со тоа ќе им се помогне на граѓаните да ја поправат штетата направена од оваа природна непогода. Сега вие го браните буџетот, односно ребалансот или ги браните интересите на граѓаните на Охрид кои претрпеле штета“ – праша Милошоски.
Од ВМРО - ДПМНЕ велат дека земјотресите кои цел месец го тресеа охридско – струшкиот регион предизвикаа штети кај објектите.Расправата по ребалансот на буџетот почна во понеделникот во матичната комисија за финансирање и буџет. Според деловникот таа ќе трае 10 дена, и потоа уште 5 на пленарна седница. Поднесени се над 800 анадмани, а најголем дел од нив се од ВМРО-ДПМНЕ.