Од здравство не знаат за случај на почината пациентка со погрешна дијагноза
Објавено во: Македонија 12 Август, 2017
Министерството за здравство соопшти дека досега ниту кај нив, ниту во Државниот санитарен и здравствен инспекторат (ДСЗИ), не е пријавен ниту регистриран случај на пациентка од околу 25 години која, како што се шири информација на социјалните мрежи не и било навреме дијагностицирано дека има слепо црево по што била пуштена дома со објаснување дека има стомачен вирус. Подоцна наводно девојката довила труење на крвта од пукнатото дебело црево, а некои тврдат дека и починала.
– До овој момент, ниту во Министерството за здравство, ниту во Државниот санитарен и здравствен инспекторат не е пријавен ниту регистриран ваков случај или пациент. Ако постои ваков случај, а не е пријавен од страна на семејството, ги замолуваме и ги повикуваме на состанок во Министерството, со цел средба со претставници од Министерството за здравство и ДСЗИ, се наведува во соопштението.