18 Декември, 2017
0.5896
    ALK 7300    -0.06%     GRNT 766.8    0.58%     KMB 2705.47    0.2%     MPT 27000    0%     OHB 4800    0.67%     PPIV 38000    0%     RZLV 44    -2.22%     RZUS 107    -0.82%     STIL 128.98    1.56%     TPLF 1489.75    -0.68%     TTK 839    1.25%     UNI 1870    0%     USJE 23500    2.17%     ZILU 155    2.65%

ПОСЕТАТА НА ОЧНИОТ ДОКТОР МОЖЕ ДА ГО СПАСИ ЖИВОТОТ

ОДБЕЛЕЖАН СВЕТСКИОТ ДЕН НА ВИДОТ

Објавено во: Мои пари 12 Октомври, 2017

Македонија го одбележа Светскиот ден на видот со спроведување бесплатни лекарски прегледи во Специјалната очна болница „Деница“. На овој начин, велат докторите, се подигнува свеста кај пациентите да се грижат за сопствениот вид и кај општеството да го подобри односот кон приватните болници кои овозможуваат поквалитетни услови за лекување.

„За жал, состојбата со очните болести во Македонија е критична. Проблемот со дијабетесот и моменталните кризи со инсулин, директно, влијаат на очните болести. Глаукомот, исто така, треба да се открива при секојдневни рутински прегледи. Очекуваме да се посвети поголемо внимание на операциите на задниот сегмент на окото и да се почитуваат стандардите согласно Протоколот за операции на катаракта“, рече д-р Наум Трпеноски од „Деница“.


Трпеноски потенцираше дека „Деница“ настојува да реши што е можно поголем број од проблемите со видот кај пациентите во Македонија.

„Очната болница Деница ги исполнува сите услови за простор, кадар и опрема. Во болницата работат 4 лекари, 8 медицински сестри, анестезиолог, фармацевт и административен персонал. Имаме простор кој ги исполнува сите специфични потреби - системи за чист воздух и агрегати за струја. Болницата Деница ги потполнува сите празнини кои постојат во здравството, воведуваме нови стандарди при операција на катаракта, а ќе работиме и со најчуствителните пациенти – децата“, објасни Трпеноски.

Тој побара државата да го воведе ваучер системот за пациентите каде граѓаните ќе може да ги користат услугите на приватното и државното здравство.

Акцијата за одбележување на Светскиот ден на видот помина успешно и од болницата „Деница“ посакуваат и очекуваат да прерасне во традиција.

„Повеќе од 50 пациенти ја искористија денешната можност за бесплатен офталмолошки преглед во болницата каде што констатиравме очни болести кај пациентите како што се катарактата, глаукомот и корекција на рефракциските аномалии“, рече д-р Марина Коваческа Трпеноска.

Според податоците на Светската здравствена организација, 80% од сите оштетувања на видот може да се превенираат и да бидат излечени, а стратегиите за превенција на оштетувања на видот и превенцијата на слепилото се меѓу најевтините инвестиции во здравствената заштита.

Светскиот ден на видот се одбележува секоја година вториот четврток од октомври и е посветен токму на нашето најдрагоцено сетило. Целта на одбележувањето на овој ден е подигнување на јавната свест за слепилото и оштетувањата на видот како главен меѓународен јавен здравствен проблем, влијание врз државните политики со цел поголема соработка и учество во доделувањето средства за национални програми за превенција на видот, како и едукација на граѓаните за можностите за превенција на слепилото.


Можеби ќе ве интересира

Дедо Мраз и Даниел Кајмакоски со децата од СОС Детско село во Скопје Мериот Хотел

Дедо Мраз и Даниел Кајмакоски со децата од СОС Детско село во Скопје Мериот Хотел

Нови компании во состав на SEE Link индексите

Нови компании во состав на SEE Link индексите

Ново од Credissimo! Сајт на годината и нов износ до 80.000 денари

Ново од Credissimo! Сајт на годината и нов износ до 80.000 денари

ССК: 10 домашните инвеститори со македонски квалитет до глобален успех

ССК: 10 домашните инвеститори со македонски квалитет до глобален успех

Сити мол во хумана новогодишна кампања за социјално загрозени семејства: 12 Новогодишни елки – 12 медиумски приказни

Сити мол во хумана новогодишна кампања за социјално загрозени семејства: 12 Новогодишни елки – 12 медиумски приказни

Со „Пазари, Греби, Добиј!“ до уникатниот Citroen C3 Aircross!

Со „Пазари, Греби, Добиј!“ до уникатниот Citroen C3 Aircross!

Прилепска Пиварница со „Посебно признание“ од Црвениот крст за поддршка на целите на организацијата

Прилепска Пиварница со „Посебно признание“ од Црвениот крст за поддршка на целите на организацијата

УНИКАТНО ОСВЕТЛУВАЊЕ НА НОВОГОДИШНАТА ЕЛКА ВО СКОПЈЕ СИТИ МОЛ

УНИКАТНО ОСВЕТЛУВАЊЕ НА НОВОГОДИШНАТА ЕЛКА ВО СКОПЈЕ СИТИ МОЛ

Пристигнати 30 проектни предлози на јавинот повик за финансирање на проекти за намалување на загадувањето на воздухот „О2 предизвик“

Пристигнати 30 проектни предлози на јавинот повик за финансирање на проекти за намалување на загадувањето на воздухот „О2 предизвик“