Добивај вести на Viber
Буба Мари, принцези, мачиња, војници.. маскирани во најразлични костуми, деца од повеќе училишта и градинки продефилираа денеска низ плоштадот „Македонија" во Скопје, со што го одбележаа Денот на шегата 1.Април.
Детскиот културен центар „Карпош" и Град Скопје организираа забава „Априлијада - Скопје се смее" за децата од сите училишта и градинки од главниот град, каде се пееше, се свиреше, а најмногу се слушаше детската смеа.
Децата под маски, пееја, свиреа, играа, а забавата продолжи и со фолклорната секција на ДКЦ „Карпош", „Златно славејче" и танцови групи од основните училишта од Скопје и околината.
Ноќната забава ќе почне од 21 часот на плоштадот „Македонија", каде ќе настапат Роберт Билбилов, Александар Митевски, Симона Поповска, Мустафа Имери, „Ребис" и диџеј Бабура. Раководители на забавата ќе бидат Марија Петровска и Кирил Поп Христов.