Одлична оценка за Европскиот стабилизациски механизам

Добивај вести на Viber

Меѓународната агенција Мудис му даде максимална оценка-Ааа на главниот спасувачки инструмент на еврозоната, Европскиот стабилизациски механизам, што вчера и официјално профункционира, пренесуваат медиумите.Сепак, Мудис оваа оценка ја пресмета со негативна перспектива, односно способноста на механизмот да ги исплати идните долгорочни заеми, што ќе ги склучи. Ова значи дека Мудис на среднорочен план може и да ја намали оваа своја оценка. Негативната перспектива доаѓа од тоа што сите земји членки на механизмот имаат исто негативна перспектива, со исклучок на Финска. Нејзиниот придонес во механизмот е едвај 1,8%.Три држави се клучни Германија, Франција и Холандија, имаат максимална оценка од Ааа, но таа е пресметана со негативна перспектива. Нивниот придонес за механизмот е соодветно 27,1 проценти, 20,4 проценти и 5,7 проценти. Европскиот стабилизациски механизам e клучен чекор за изградба на одбранбен ѕид на еврозоната во време на должничката криза која монетарниот блок го бутна во рецесија. Има капацитет за доделување заеми од 500 милијарди евра и треба да го замени Европскиот фонд за финансиска стабилност. Двата спасувачки инструмента ќе опстојуваат до јуни 2013 година, а нивната вредност може да достигне до 700 милијарди евра.