ОГОРЧЕНА ДУБРОВЧАНКА: Ако седите во најубавата улица на светот, и кафето ќе биде скапо
Објавено во: Балкан 25 Мај, 2017
По поплаките на жител на Дубровник дека кафето во неговиот град е прескапо, се огласи и жена од истиот град која вели дека со такви текстови во медиумите се прави лоша кампања за Дубровник и цените.
Таа со својата порака приложи и сметка од две кафиња кои ги пиела на плоштадот во Загреб и ги платила 36 куни.
„Гледам дека секоја година плукате по кафињата во мојот роден град. Затоа ви праќам фотографија од обични кафиња со млеко од центарот на Загреб! Престанете да го срамотите Дубровник и нашите цени. Нашите цени се според туристичката побарувачка и потрошувачка“ - пишува таа.
Во својата порака пишува дека Дубровник од тоа живее. Додава дека ако пиете кафе во најубавата улица на светот, нормално дека и цената на кафето ќе биде повисока.