Добивај вести на Viber
Македонскиот Ерусалим, Охрид според полскиот информативен портал Газета е на првото место на листата на најдобрите туристички места. Според листата на Газета Охрид е пред Хрватска, Шпанија, Италија, Грција..
Порталот нашата земја ја опишува како земја со недопрени природни убавини, во која доминираат планини и чист воздух, а туристите лесно може да избегаат од комерцијализираниот и бучен свет. Порталот посебно го препорачува Охрид како место за тивок одмор, препорачува и посета на плажите во Трпејца и Љубаништа, како едни од најдобрите. За езерото, Газета наведува дека е најстаро во Европа и едно од најубавите на континентот, со чиста вода, идеална за капење.