ОЈО: Седум лица се лишени од слобода
Објавено во: Македонија 30 Април, 2017
Основното јавно обвинителство – Скопје, по прибирање на релевантен доказен материјал, за 15 инволвирани во нередите во Собранието првично започна постапка поради постоење на основано сомнение дека сториле кривично дело – Учество во толпа што ќе спречи службено лице во вршење на службено дејствие од член 384 од Кривичниот законик.
Во моментов, 7 од лицата се лишени од слобода. Надлежен јавен обвинител, ценејќи дека се исполнети законските основи, за 14 од осомничените предложи до судија на претходна постапка да им биде определена мерка притвор. За едно лице е предложено определување на мерки на претпазливост.
Истрагата на обвинителството продолжува во насока на целосно расветлување на кривично – правниот настан, пишува во соопштението на ОЈО.