Окта почнува со производство
Објавено во: Економија 25 Октомври, 2012
Преку соопштение компанијата информираше дека редовното одржување во рафинеријата е завршено според плановите, а фабриката е веќе во подготвителна фаза за почеток со работа на сите производни оддели.
Минатата недела Царинската управа и ги укина на ОКТА сите одобренија за поедноставени постапки за увоз и извоз на нафта, но од компанијата уверуваат дека ќе продолжат со нормално и непречено снабдување со нафтени деривати на домашниот пазар, но и со извоз.
“ОКТА има инвестирано над 80 милиони евра во локалната економија, поддржано голем број на општествено одговорни активности, со што само ја потврдува нејзината определба на компанија која се грижи и придонесува за развој на општеството“, се вели во соопштението.