Оланд ќе ја растури “џунглата“ во Кале?
Објавено во: Свет 26 Септември, 2016
Францускиот претседател Франсоа Оланд ќе го посети денеска кампот за мигранти во градот Кале, познат под прекарот "џунглата".
Претходно шефот на државата вети дека ќе го затвори кампот. Во саботата претседателот вети дека ќе ја интензивира борбата против нелегалната миграција и дури ќе ја уништи целосно"џунглата". Според неговата влада тоа ќе се случи пред доаѓањето на зимата, иако веќе се започнати подготовки за празнење. Плановите за преместување на мигрантите сепак предизвикаа протести меѓу луѓето во областите каде што се очекува да бидат преместени.
Оланд ја прави посетата само неколку дена откако таму беше и неговиот претходник , Никола Саркози, како дел од предизборната кампања за претседател, кој силно се залага за миграциското прашање. За разлика од Саркози за време на мандатот на Оланд темата беше помалку засегната. Тој, сепак, беше принуден да заземе став во врска со зголемениот број мигранти во земјата, поради притисок од партијата на Саркози и на екстремно десничарската партија на Марин Ле Пен, Национален фронт.