Олимпико и CrossFit Скопје вежбаат со „дамперски“ гуми

Добивај вести на Viber

Салонот за гуми Олимпико, во партнерство со првиот и единствен официјален крос-фит клуб во Македонија – CrossFit Скопје, за викендов најавуваат невообичаен отворен тренинг за сите заинтересирани кои ќе дојдат во скопскиот Градски парк. Настанот ќе се одржи во недела, 28 мај, кај “Школката” во градскиот парк, во 12,00 часот, каде што момците и девојките од Олимпико и од CrossFit Скопје под ведро небо ќе изведуваат специфични и рекреативни вежби, со музика и забава за која е задолжен DJ Здравко.

Предизвикот кој им го задава Олимпико на крос-фит експертите ќе биде вежба со огромни “дамперски” гуми, кои што тежат по 215 килограми! Како ќе се справат, останува да видиме.

“Со задоволство ги покануваме сите заинтересирани заедно да вежбаме во парк, кај Школката, точно на пладне во недела. Низ тешки, но интересни вежби ќе се обидеме да доловиме како изгледа еден наш вообичаен тренинг”, вели Ненад Милошевиќ, професионален тренер од клубот CrossFit Скопје.

Од друга страна, Олимпико на сите заинтересирани ќе им стои на располагање за сè што би можело да ги интересира за автомобилски и друг тип гуми, при што најавуваат и многу изненадувања и награди.

“Во Месецот на Олимпико, покрај тековните акции, како што е подарок повеќенаменски компресор за пумпање за купени комплет од четири гуми, за нашите потрошувачи обезбедуваме специјални цени, поволности и други подароци за сите купени производи од семејството на Michelin, каде што се вбројуваат и пневматиците на BFGoodrich, Kleber и на Tigar”, велат одговорните во Олимпико.

Притоа, од таму посочуваат дека деновиве се актуелни и по уште една активност, овој пат на социјалните мрежи, насочена кон подигање на свеста кај возачите и нивната грижа за животните на улица, без оглед дали станува за збор домашно или маалско милениче.