„Орка Холдинг“ го демантира градоначалникот на Крива Паланка
Објавено во: Мои пари 01 Февруари, 2018
„Орка Холдинг“ АД Скопје преку медиумите испрати соопштение со кое го демантира градоначалникот на Општина Крива Паланка и го повикува доколку поседува какви било докази спротивни на овој демант, веднаш да ги објави, а во спротивно, пак, јавно да се извини за изнесените невистини.
„Во врска со наводите изнесени од страна на градоначалникот на Крива Паланка, Борјанчо Мицевски, поврзани со сопственоста на компанијата „Веибо Груп“, компанијата „Орка Холдинг“ АД Скопје го дава следниот
ДЕМАНТ
Ни сопственикот на компанијата „Орка Холдинг“ АД Скопје, господинот Јордан Камчев, ниту некоја од неговите компании е сопственик на компанијата „Веибо Груп“.
Го повикуваме градоначалникот на Крива Паланка, Борјанчо Мицевски, доколку поседува какви било докази спротивни на овој демант, веднаш да ги објави, а во спротивно, пак, јавно да се извини за изнесените невистини“, стои во демантот испратен до медиуми.