Османи за името: 2018-та година претставува историска шанса
Објавено во: Македонија 09 Јануари, 2018
2018-та година претставува историска шанса за надминување на недоразбирањето околу употребата на името на нашата земја, изјавил вицепремиерот Бујар Османи денеска при посетата во Атина.
Османи со своите грчки домаќини констатирале дека има исклучителен напредок во комуникацииите меѓу двете соседни земји. Тој најави дека во наредниот период ќе се засилат мерките за градење на доверба во економијата, културата, образованието, екологијата, меѓуграничната соработка, енергетиката и траспортот.
„Како политичари кои ја добиле довербата да ги предводат своите граѓани, имаме обврска да покажеме зрелост и сериозност и да не ја пропуштиме оваа шанса“- информира македонскиот Секретаријат за евроинтеграции по средбите во Атина на вицепремиерот Бујар Османи со грчкиот министер за надворешни работи Никос Коѕиас и алтернативниот министер за надворешни работи, Јоргос Катругалос.
За Османи важно е да има прогрес и смета дека наредните 6 месеци ќе бидат клучни.