Осумдесет годишен човек сам го обиколи светот со брод
Објавено во: Стил 17 Мај, 2017
Бугаринот Васил Куртев исплива од Балчик во август 2015 година и оттогаш поминал 26 000 морски милји.
Тој по патувањето пристигна во Варна.„Имав сон и го исполнив, јас сум среќен човек"- изјави Куртев.
За време на пловидбата имало неколку кризни моменти. Попат имал проблеми со моторот и едрата, се појавил силен ветер и песочна бура.
По патувањето, омилено место на светот за него се Маркизките острови. Живописните парчиња земја се наоѓаат во Тихиот Океан и се дел од Француска Полинезија. Сопругата на морепловецот Марија изрази радост и гордост од постигнувањето на Васил. Таа мислела дека ќе го изгуби својот сопруг за време на престојот во Малезија, каде фатил вирус.