Осумте земји со највисок квалитет на живот
Објавено во: Финансии 27 Јануари, 2017
Пред неколку дена на Светскиот економски форум во Давос беше претставено истражувањето „сеопфатен индекс на развој“ (Inclusive Development Index). Тоа споредува 109 земји во 12 клучни показатели за развој во 3 главни групи - Раст и развој, Сеопфатност и Интеграција и одржливост.
Индикаторите вклучуваат раст на БДП, перформанси на работната сила и здрав живот, среден доход на домаќинствата, сиромаштија и нееднаквост, просечни нето заштеди, демографија, задолженост, дури и интензитет на воздухот- т.е. загадување на животната средина.
Од 109-те испитани земји, 30 се сметаат за напредни економии. Еве и кои се 8-те од нив со најдобар квалитет на животот.
8. Австралија
Земјата ги има едни од највисоките резултати кај инвестициите во реална економија, претприемништво, образованието и здравствените услуги. Нејзините резултати се послаби во однос на продуктивноста на трудот и нивото на платите.
7. Холандија
Холанѓаните се радуваат на највисоко ниво на образование, инфраструктура и здравството, но земјата се справува лошо во споредба со своите конкуренти, во инвестициите во реалната економија.
6. Шведска
Услугите и инфраструктурата тука се меѓу првите во светот, како и бизнис и политичката етика. Земјата е на високи позиции по ниво на плати и надоместоци.
5. Данска
Таа е со високи резултати во сите испитувани области, со исклучок на инвестиции во реална економија.
4. Исланд
Малата северна страна има добри индикатори, но се претставува слабо во однос на финансискиот систем. Ова е причината да не е во Топ 3.
3. Швајцарија
Со високи резултати по сите критериуми, особено продуктивноста.
2. Луксембург
Малото Војводство ги има едни од највисоките резултати во однос на здравството, образованието, кириите и бизнис и политичка етика.
1. Норвешка
Норвешка е најразвиена земја во светот. И иако нејзината економија бележи кревка раст од 0,5%, граѓаните и се радуваат на најдобар квалитет на животот, а стандардот им се зголемува за 10,6% во годините од 2008-та до 2013-та, тврдат од Светскиот економски форум.