Отишол во Швајцарија затоа што неговата земја била премала за неговите цели
Објавено во: Финансии 07 Март, 2017
Работникот во Швајцарија може во секој момент да биде отпуштен и причината да не се каже, но сепак се наведува, вели Крешимир Косановиќ од Сисак.
Иако е роден во Хрватска и живеел во неколку градови, неговите блиски заминале во Австралија, Германија, Нов Зеланд и тие биле негова врска со светот.
Во последната година од студиите, тој заминал во Англија и Австралија, а потоа ја запознал идната сопруга, нашол работа како ИТ инженер и се преселил во Цирих.
„Моја мотивација - Хрватска беше премала за дел од моите желби и цели кои си ги поставив како дете. Заради пари немав причина да заминам. Моето семејство не беше богато, но не ни оскудевавме. Родителите беа академски образовани, имаа добра и сигурна работа“ - раскажува тој.
Кога дошол во Цирих, Косановиќ не знаел јазик, но со тек на време научил и вели дека има луѓе од целиот свет кои работат во Швајцарија.
Вели дека во Цирих има голема конкуренција, а компаниите ги земаат само најдобрите работници.
Додава дека таму може да се смени работно место, тоа не е ништо лошо и точно се знае кои им се обврските и правата на работниците.
За оние кои бараат работа во истата земја им советува дека е многу важно да се подготват за разговор за работа и да го презентираат своето CV.
За оние кои веќе работат им препорачува да го усовршат германскиот и англискиот јазик.