Откупот на земјоделски производи се зголемил – што најмногу се продаваше?
Објавено во: Агробизнис 15 Август, 2016
Откупот и продажбата на земјоделските производи во земјата се зголемиле.
Во второто тримесечје од годинава откупот и продажбата на земјоделските производи се зголемени за 17.3% во однос на истиот период лани. Ова го покажуваат податоците на Државниот завод за статистика.
Зголемувањето се однесува на градинарските и фуражните растенија, овошјето, алкохолните пијалаци, живината и јајцата, млекото, млечните производи и рибата, а намалување е забележано кај: житата, индустриските растенија и добитокот.
Домати се продадени над 12.540 тони во наведениот период, јаболка скоро 6000 тони, ориз над 683 тони, млеко над 400.00 хекто литри и друго.
Кај откупот на земјоделски производи од индивидуалните производители е забележано намалување за 3.5%, а кај продажбата на земјоделски производи од сопствено производство е забележан раст за 47.4%.
Месечната дистрибуција на вредноста на откупот и продажбата на земјоделски производи покажува пораст во сите три месеци од тримесечјето.
Можеби ќе ве интересира
СТОЧАРИТЕ НУДАТ ПЛАТА ОД 1.000 ЕВРА: Албанија е последната станица за наоѓање овчари
ПОВЕЌЕ ПИПЕРКИ, А ПОМАЛКУ ДОМАТИ НА МАКЕДОНСКИТЕ НИВИ: Зошто земјоделците ги намалуваат дел од културите?
