Отсега и пиво во прав
Објавено во: Стил 20 Октомври, 2016
Данската пивара То ул или во превод Две пива, има нов производ пиво во прав за кој вели дека е секогаш подготвен за конзумација само треба да му се додаде вода.
Основачите на пиварата велат дека преку процес на сушење и замрзнување се двои сувата материја од пивото.
За време на тој процес алкохолот и водата испаруваат, а остануваат шеќери, протеини, состојки кои даваат горчина и арома на пијалокот.
Штом ќе се полие со вода, пивото го добива препознатливиот вкус, но сепак треба да се додаде и алкохол, пишува Копенгахен пост.
Од пиварата велат дека пивото во прав е направено да се пие на излети или за време на лет во авион.
Пиварата То ул е основана во 2010 година, а нејзините производи се продаваат во над 40 земји.