Ова е најлошиот град за живеење во ЕУ
Објавено во: Балкан 17 Март, 2017
Софија е најлошиот град за живеење во Европската унија.
Ова го покажуваат податоците од годишното истражување за квалитетот на животот во светот на консултантската компанија Mercer.
Во истражувањето се вклучени 231 град од целиот свет. Меѓу нив на Софија и е дадено 116-то место, последно од сите инволвирани од ЕУ.
Иако на претпоследното место во Европската унија, е романската престолнина Букурешт, сепак таа е далеку понапред во заедничката листата, заземајќи ја 107-та позиција.
Води Виена и таа е најдобар град за живеење во светот, а најлошо, според истражувањето, се живее во Багдад.
Рангирањето е направено според неколку критериуми - политичка стабилност, бизнис и социјална средина, здравство, образование, криминал, транспорт и инфраструктура.