ОВА Е ЗЕМЈА ЗА КОЈА СИТЕ СОНУВААТ: Штом се родиш имаш заштедено 20 000 долари!
Објавено во: Финансии 27 Јануари, 2017
После речиси пет години негативни каматни стапки, данските домаќинства се побогати од некогаш, ако судиме по податокот дека заштедата на граѓаните во Данска достигнала во декември рекордно ниво.
Со вишокот на пари со кои не знаат што ќе прават, Данците „ги клукаат“ своите банки кои се преполни со штедни сметки, па така земјата која го држи светскиот рекорд по негативни камати, сега исто така има и рекордна банкарска заштеда.
Данците имале „импресивен раст на реалните плати“, рекол во телефонска изјава за агенцијата Блумберг главниот економист на Никредит , Торе Страмер.
Негативните камати (референтната каматна стапка на депозити е минус 0,65 посто) коинцидирале со траен раст на вработеноста и, што е уште поважно, со расцветан станбен пазар, рекол тој, додавајќи дека банките се воздржале од воведување на негативни камати за граѓаните.
Страмер проценува дека, кога вкупниот износ на заштеда се подели по жител, секој маж, жена , дете и новороденче во Данка имаат на штедните книшки по 21 000 долари.
„Имаме таков „ветер во грб“ кај приходите на домаќинствата што Данците можат истовремено и да ја зголемат потрошувачката, да ги намалат долговите и да го зголемат своето богатство“, истакнал тој.
Постојат сигнали дека, охрабрени од рекордното ниво на богатство, Данците почнале да го намалуваат рацио бруто долгот кон расположливите приходи, кој е најголем меѓу богатите земји во светот. Прв пат од 2009 година, уделот на сопственици на куќи кои исплаќаат главнина на своите хипотекарни кредити го надминува уделот на оние кои ги отплаќаат кредитите кои носат само камата.