ОВА ГИ ПЛАШИ БРИТАНЦИТЕ: Во земјата има 23.000 џихадисти
Објавено во: Свет 27 Мај, 2017
Околу 23 000 исламски екстремисти живеат во Велика Британија.
Oва го покажуваат податоците на разузнавањето, наведени во денешниот број на весникот „Тајмс”. Некои се сериозна закана, а дел се помалку опасни за земјата.
Околу 3.000 од потенцијалните терористи се сметаат за директна закана за безбедноста на Велика Британија и против нив се водат истраги како дел од 500 операции.
Останатите 20 000 се во категоријата „преостанат ризик”, наведуваат извори на весникот.
Тајни служби на Островот однесоа сериозни критики по крвавиот напад во Манчестер, во кој Британец од либиски потекло се саморазнесе во концертна сала и уби над 20 лица.
Во последните денови стана јасно дека Салман Абеди бил „оперативно интересно лице од претходен период”. Службите по некое време престанале да ги следат неговите активности. Со таквиот статус се покажа и сторителот на претходниот напад во Велика Британија – Халид Масуд, кој уби пет лица во близина на Вестминстер.
За најновиот напад во Манчестер се смета дека терористот сакал да се одмазди за муслиманските деца кои гинат на Блискиот Исток. Напаѓачот патувал во Либија и бил поврзан со „Исламска држава“.