Ова се градовите со најзагаден воздух во светот
Објавено во: Свет 28 Март, 2017
Софија, главниот град на Бугарија е со најзагаден воздух во Европската унија. Ова стана јасно од податоците на Европската агенција за животна средина објавени во октомври 2016 година.
13% од загаденоста на воздухот во Бугарија се должи на автомобилите.
Излегува дека во светот има места каде смог како во Софија би личел на свеж воздух во споредба со воздухот во главниот град на Саудиска Арабија - Ријад, која е на четврто место во топ 11 на градовите со најзагаден воздух во светот.
Индиската престолнина Њу Делхи е на 11 место, но две години беше лидер на листата.
На десето и деветтото место се два големи индустриски кинески градови, Баодин и Ксингтај.
На осмото место е градот Баменда во Камерун.
Тука главната причина за загадениот воздух се климатските промени, уништувањето на шумите на регионот и согорувањето на дрва за домаќинство.
По Камерунскиот град се редат индиските градови Рајпур и Патна.
На петтото место е Ал Џубајл во Саудиска Арабија.
Таму се едни од најголемите фабрики за алуминиум, кои заедно со правот од пустината, го прават воздухот ужасен.
На четвртото место е главниот град на Саудиска Арабија - Ријад. За загадувањето освен фабриките и автомобилите, придонесуваат и честите бури.
Аллахабад и Гуалиор ги зацврстуваат првите позиции на Индија на оваа листа.
Прв на листата е иранскиот град Забол.