OВА СЕ НАЈМОЌНИТЕ ПАСОШИ НА СВЕТОТ: Еве кој е најпосакуван, а еве каде е македонскиот на листата!

Добивај вести на Viber

Шведскиот пасош е најпосакуван на светот, зад него следат пасошите на други земји од Европската унија, а САД се на потполно неочекувано место.

Шведскиот пасош овозможува патување без визи во 176 држави или територии, покажува истражувањето на фирмата „Номад Капиталиста“ , која неодамна рангираше 199 земји по „вредноста на државјанството“.

Основачот на  „Номад“ Ендрју Хандерсон објаснил дека со шведскиот пасош „можете лесно да се ослободите од даноците во Шведска и да отидете да живеете некаде каде таксите и даноците се ниски, без многу главоболки“.

Од друга страна, нагласил дека да се биде државјанин на САД „не е така сјајно како што изгледа“. Американскиот пасош, заедно со британскиот и германскиот некогаш е сметан за „најдобар“ на светот, а сега се рангира под неколку европски нации. Имено, од првите 43 места на листата на  „Номад“, 33 ги заземаат европските земји: веднаш зад Шведска се Белгија, Италија, Шпанија, Ирска, Финска, Германија, Данска, Швајцарија, Луксембург и Франција.

Блумберг наведува дека за граѓаните на сите тие земји им е заедничка ниската стапка на данок во однос на доходот, без разлика на тоа каде живеат. САД, од друга страна, наплаќаат данок каде и да се заработени парите.

Според извештајот на таа фирма, минатата година повеќе од 5 400 луѓе се откажале од државјанството на САД со што е урнат рекорд. Пасошот на САД и Словенија, кои го делат 35 место на листата, овозможува патување без виза во 174 држави.

Што се однесува до останатите држави, настанатите поранешни југословенски републики, хрватскиот пасош е на 49 место, пасошот на Србија е на 73, Македонија и Црна Гора го делат 76 место, а БиХ се на 85 место. На последното, 199 место е пасошот на Авганистан.