Ова се очекувањата на Русија за цената на нафтата
Објавено во: Економија 27 Мај, 2017
Русија очекува нафтата да поевтини до 40 долари за барел до крајот на годината.
Генерално за годината прогнозата е зголемена од 40 долари за барел на 45,60 долари за барел.
Руското Министерство за финансии предвидува дека до крајот на годината цената на нафтата може да падне до 40 долари за барел. Ова се наведува во документ на проектот за корекции на буџетот за 2017 година, поднесен во Државната дума и цитиран од ТАСС.
Задржувањето на американските нафтени резерви на историски максимум, како и зголемувањето на производството на шкрилци на нафта во САД можат да доведат до поевтинување до 40 долари за барел до крајот на 2017-та, посочува Министерството.
Генерално за годината прогнозата за цената на нафтата е зголемена од 40 долари за барел на 45,60 долари за барел, поради позитивните статистички податоци од почетокот на годината.Американската лесна сурова нафта за испорака во јули поевтини до 48,29 долари за барел вчера попладне во европската електронска сесија на Њујоршката трговска берза, соопшти Ројтерс. Во Лондон сортата Брент од Северното Море, чија цена е референтна за Европа, се движеше до 50,84 долари за барел.