Пад на берзите, се чека одлуката на Шпанија

Добивај вести на Viber

По вчерашниот силен скок на европските берзн денеска тргувањето почнува со пад на цената на акциите поради несигурноста во врска со Шпанија и тоа дали ќе побара меѓувародна помош за совладување на должничката криза. „FTS Eurofirst индекс 300“ утрово падна за 0,6 % на 1.098 бода, по вчерашниот скок од 1,4%. Лондонскиот FTSE, франкфуртскиот DAX и парискиот  CAC индекс утрово во 9,30 часот беа во минус и тоа помеѓу 0,5 и 0,8%. Според Ројтерс, ако Шпанија не ја побара меѓународна помош, Европската централна банка нема да може да купува шпански обврзници на пазарот за да ја намали висината на задолжувањата. Инвеститорите се загрижени најмногу поради прашањето дали Шпанија конечно ќе одлучи да ја побара помошта за излез од кризата и како тоа ќе влијае врз нејзиниот кредитен рејтинг, велат аналитичарите. Исто така, се поставува и прашањето дали агенцијата Модус ке го намали шпанскиот рејтинг на „безвреден“. Меѓу најголемите губитници денеска се акциите на банките.  Цената на „Credit Agricole“ падна на 2,6 a „UniCredita“ 1,3 проценти. На токиската берза Никкеи, индексот е понизок за 0,1% или 8.786 бода, најнизок во последниве три седмици.