Добивај вести на Viber
На Словенија не ѝ е потребна финансиска помош од Европската Унија,ова го изјавил Претседателот на Словенија Борут Пахор и признал дека земјата пред три години ја потценила тежината на глобалната економска криза.
Во интервјуто за Фајненшал тајмс, Пахор се заложил за подобрување на словенечкиот правосуден систем, разнишан од скандали, и преминување од строгите мерки на штедење на инвестирање во инфраструктурата.
-Замор е вистинскиот збор со кој може да се опише општото расположение во земјата“, кажал тој и додал: -Она што ни е потребно е прекинување на строгите мерки на штедење“.
Претседателот на Совенија за Фајненшал тајмс изјавил дека владата во 2009 година ја потценила тежината на финансиската криза, но истакнал дека земјата располага со доволно сретства за евентуалниот недостиг во банкарскиот систем по усвојувањето на реформата на пензискиот систем во декември.
Тој признал дека нема да ги повтори грешките од времето кога бил премиер и кога сметал дека негова должност е да ги насочи сите напори на спроведување на реформите, без оглед дали за тоа има поддршка од политичките партнери.