Павлопулос: Никој не смее да ни ја краде историјата, Македонија е Грчка
Објавено во: Балкан 23 Октомври, 2016
Претседателот Павлопулос продолжи со националистичките изјави против Македонија, овој пат на церемонија во Солун исто така на одбележување на настан од Балканските војни. Тој посочи дека ќе застане во одбрана на грчкиот идентитет на Македонија и дека никој не смее да ја краде историјата.
„Никој нема право да присвојува работи што не им припаѓаат. Не можете да пишувате за историски настани што никогаш не се случиле со крадење на историјата на други луѓе. Им подаваме рака на пријателство на нашите соседи, но никогаш нема да другите да им го препуштиме она што ни припаѓа нам“, изјавил павлопулос.
Церемнонијата била дел од одбележувањето на 104-та годишнина од ослободувањето на градот Халастра во 1912 година што и овозможило на грчката армија да влезе во Солун пред бугарските војници.
„Ветувам дека ќе сторам се што можам да го одбранam и територијалниот интегритет и грчкиот идентитет на нашата Македонија, врз база на историјата и меѓународните и европските закони“, изјави Павлопулос.