Павлопулос пред Макрон рече дека Македонија зрачи со иредентизам
Објавено во: Балкан 08 Септември, 2017
Грчкиот претседател, Прокопис Павлопулос на средбата со францускиот претседател, Емануел Макрон рече дека Македонија зрачи со иредентизам.
За нашата земја вели дека јасно се става до знаење дека додека инсистира на употреба на име кое освен провоцирачко фалсификување на историјата, зрачи иредентизам, ја поткопува нејзината европска перспектива.
„Европското законодавство исклучува земји кандидати за членки кои го оспоруваат на било каков начин статусот кво на границите на земјите членки на Европската унија“ – порача грчкиот претседател во обраќањето непосредно пред свечената вечера со неговиот француски колега.
Макрон воопшто не ни ги спомена грчките отворени прашања во надворешната политика вклучувајќи ги Турција,
Кипар или Македонија.
Грчките власти забранија протести во центарот на Атина и ангажираа повеќе од 2.000 полицајци поради дводневната посета на францускиот претседател Емануел Макрон.
Павлопулос и минатата година и годинава во повеќе наврати упати остри критики кон Македонија и обвини за иредентизам.