Добивај вести на Viber
За една година пазарната вреднос на „Гаспром“ се намалила за една третина, со што овој концерн го смести на листата на најефтини големи нафтени и гасни компании во светот, пишува рускиот весник "Ведомости", кој се повикува на аналитичари од UBS.
Капитализацијата на „Газпром“ на Московската берза, достигна минимална вредност, од јули 2009 година, намалувајќи се за 1,47% до 107,7 милијарди долари .
За една година „Гаспром“ изгуби речиси една третина од својата пазарна вредност и што ја сместува на листата на најефтини концерни меѓу големите нафтени и гасни компании во светот, објаснуваат аналитичарите на UBS.
За споредба, капитализација на најскапите нафтени и гасни компании е следнава: ЕxxonMobil – 406,4 милијарди долари, PetroChina – 330,1 милијарди долари, Shell – 262,5 милијарди долари, Chevron – 216,9 милијарди долари.
Овој значителен пад на капитализација на "Газпром" е реакцијата на пазарот по информациите за зголемување на капиталните инвестиции (првично во 2012 година се планираше да се потрошат 777 милијарди рубљи, но во октомври беше усвоена нова инвестициона програма за 2012 во волумен 975 милијарди рубљи) и што е уште поважно - за намалување на дивидендите, сметаат аналитичарот на UBS
За 2011 година "Гаспром" плати рекордни 212,35 милијарди рубљи за дивиденди, а за 2012 година може да плати само 165,7-189,4 милијарди рубљи (7-8 рубљи по акција), се вели во презентација на компанијата