28 Март, 2024
0.2097

Пекабеско инвестира над 1.4 милиони евра во нова опрема и машини

Објавено во: Мои пари 17 Март, 2017

Добивај вести на Viber

Најголемиот македонски производител на сувомесни производи и лидер во логистичко-дистрибутивната дејност, Пекабеско, набави нова опрема од познати светски производители во 4 производствени линии.

„Станува збор за нова опрема во линијата за конзерви, линијата за слајс, линијата за полнење на комадно месо во црево, како и линијата за пакување на комадно месо. Вкупната инвестиција е во висина од над 1.4 милиони евра и очекуваме да придонесе за зголемување на производствениот и извозниот капацитет на Пекабеско, како и зголемување на бројот на вработени во нашата компанија“, изјави Слободан Кутревски, прв извршен директор на Пекабеско.

Според Кутревски, очекувањата се двојно зголемување на капацитетот на линијата за конзерви, како и зголемување на капацитетот за производство на паштети и нарезоци за педесет проценти. Значителни зголемувања се очекуваат и на капацитетите за производство на линиите за слајс, вакуум и полнење на комадно месо во црево.

Исто така, со оваа инвестиција ќе се зголеми бројот на вработени во производствениот процес на компанијата за најмалку 50 лица, а зголемената ефикасност и продуктивност ќе придонесе за поголем извоз, односно подобра ценовна конкурентност на пазарите каде се пласираат производите на Пекабеско.

Воведувањето на сите овие нови линии дополнително ќе придонесе за приближување на производите до навиките на потрошувачите или т.н. „ready to use“, нова амбалажа која овозможува уште подобар квалитет во делот на емулгацијата и максимално хигиенско-безбедносно ниво при консумацијата, како и подобрување на квалитетот на производите во ланецот на складирање и дистрибуција.

Пекабеско во 2012 година го отвори новиот Производствено – логистички центар во Кадино, општина Илинден, инвестиција вредна 13 милиони евра. Заклучно со оваа инвестиција во изминативе 4 години, Пекабеско има инвестирано околу 18 милиони евра.

Пекабеско е компанија со речеиси 40-годишна традиција која денес брои повеќе од 450 вработени.

Можеби ќе ве интересира

Склучен Меморандум за соработка со Кроација осигурување АД, Друштво за неживотно осигурување Скопје

Склучен Меморандум за соработка со Кроација осигурување АД, Друштво за неживотно осигурување Скопје

Општина Центар е лидер во промени, Иницијативата за конфискација на дивоградби се преточи во закон

Општина Центар е лидер во промени, Иницијативата за конфискација на дивоградби се преточи во закон

Прилепска Пиварница одбележува 100 години постоење

Прилепска Пиварница одбележува 100 години постоење

Откријте го врвното искуство на гледање со FUEGO Electronics и новата серија 720GTV на Google TV

Откријте го врвното искуство на гледање со FUEGO Electronics и новата серија 720GTV на Google TV

Сликовницата „Рокчето“ од Никола Маџиров ќе биде промовирана во Струмица на Светскиот ден на книгите за деца

Сликовницата „Рокчето“ од Никола Маџиров ќе биде промовирана во Струмица на Светскиот ден на книгите за деца

САМО СО DINERS CLUB КУПЕТЕ МЕБЕЛ И ПРОИЗВОДИ ЗА ДОМАЌИНСТВО СЕГА, А ОДЛОЖЕТЕ ГО ПЛАЌАЊЕТО ЗА ЈУНИ

САМО СО DINERS CLUB КУПЕТЕ МЕБЕЛ И ПРОИЗВОДИ ЗА ДОМАЌИНСТВО СЕГА, А ОДЛОЖЕТЕ ГО ПЛАЌАЊЕТО ЗА ЈУНИ

Македонски Телеком ја гаси старата 3G технологија

Македонски Телеком ја гаси старата 3G технологија

Комерцијална банка го одржа редовното Годишно собрание на акционери

Комерцијална банка го одржа редовното Годишно собрание на акционери

Макстил станува стратешки партнер на СОС Детско село

Макстил станува стратешки партнер на СОС Детско село