Персоналот на Амбасадата на Србија е повлечен на консултации во Белград?
Објавено во: Македонија 20 Август, 2017
Целиот персонал на Амбасадата на Србија во Скопје денеска бил повлечен на консултации во Белград, објави Алсат М.
Нота со ваква содржина примило македонското МНР, но во документот не биле наведени причините за повлекувањето на српските дипломати.
Од Министерството за надворешни велат дека се обидуваат во комуникација со српските власти да ги дознаат причините за ваквиот чекор. Според Виенската конвенција, Македонија презема мерки за заштита на безбедноста и интегритетот на Амбасадата на Србија во Скопје.