29 Март, 2024
0.0284

Пешевски преамбициозен: и Охис да се продаде, и сите вработени плата да земат!

Објавено во: Економија 27 Октомври, 2012

Добивај вести на Viber

Купувачот на ОХИС ќе ги наследи обврските за исплата на заостанатите плати и придонеси за здравствено осигурување на вработените. Ова го изјави вицепремиерот за економски прашања Владимир Пешевски во одговор на пратеничкото прашање поставено од Тања Томиќ од СДСМ на вчерашната собраниска седница посветена на пратенички прашања. - Верувам дека доколку успее тендерот барем делумно за дел од овие проблеми ќе биде најдено решение. За цело време додека траат постапките за продажба на ОХИС имавме една цел не да го продадеме по што повисока цена, туку да задржиме што е можно поголем број вработени иако бевме свесни дека критериумот да се задржат што поголем број вработени или сите вработени во првите тендери сериозно ќе ја намали привлечноста на компанијата - нагласи Пешевски. Крајниот рок за доставување на понуди за купување на хемиската фабрика ОХИС истекува дури на 14. Ноември, но уште одсега станува јасно дека и овој деветти по ред тендер има мали шанси да успее. Заинтересирани повторно има, но инсистирањето на Владата на социјалниот пред економскиот момент, и понатаму ги одвраќа потенцијалните купувачи. Цената е и повеќе од симболична – само 14.000 евра за фабрика распослана на еден милион метри квадрати на неколку километри од центарот на Скопје. Освен неа, идниот сопственик треба да ги преземе и долговите од околу 20 милиони евра, но и тоа е прифатливо за купувачите, со оглед на цената по која можат да ја купат фабриката. Она што беше неприфатливо, а со последните два тендери е корегирано, е инсистирањето на работа да бидат задржани сите 800 вработени, кои се со просечна старост од над 55 години. Откако виде дека тоа е една од главните пречки, Владата дозволи новиот сопственик доколку успее да ги убеди работниците, да може да ги отпушти со одреден социјален пакет. Но, ова решение и понатаму е половично и во целост не ги задоволува барањата на купувачите. Спас од оваа ситуација, доколку пропадне и овој обид за продажба на ОХИС, е државата да им додели социјални пакети на вработените до пензионирање, а фабриката да ја продава без никаков терет. Вчерашното барање на Пешевски, да се платат платите не е ништо ново, туку е само континуитет на сите досегашни тендери. На последниот завршен тендер, се пријави само една фирма од Бугарија, но нејзина дејност е градежништвото. Поради тоа, Министерството за економија ја отфрли понудата и реши ОХИС повторно да оди на нов тендер. Остана нејасно само зошто се прави нов обид, ако воопшто нема промена на условите за продажба, кои и на деветтиот тендер останаа исти како и на осмиот.

Можеби ќе ве интересира

ПРЕТСЕДАТЕЛОТ НА УО НА „ГРАНИТ“ СТРАШО МИЛКОВСКИ СЕ СТЕКНА СО 4.200 АКЦИИ - исто толку нови акции има и Ивана Милковска Симева, претседател на НО

ПРЕТСЕДАТЕЛОТ НА УО НА „ГРАНИТ“ СТРАШО МИЛКОВСКИ СЕ СТЕКНА СО 4.200 АКЦИИ - исто толку нови акции има и Ивана Милковска Симева, претседател на НО

ДОМАШНОТО ПРОИЗВОДСТВО НА МЛЕКО СЕ НАМАЛИЛО ЗА НАД 25 ПРОЦЕНТИ: статистика изброја и помалку говеда

ДОМАШНОТО ПРОИЗВОДСТВО НА МЛЕКО СЕ НАМАЛИЛО ЗА НАД 25 ПРОЦЕНТИ: статистика изброја и помалку говеда

БОГАТАШИТЕ И НИВНИТЕ ТЕЛЕФОНИ - ANDROID ИЛИ IPHONE: Овие видови мобилни ги користат Гејтс, Закерберг, Бафет и Безос

БОГАТАШИТЕ И НИВНИТЕ ТЕЛЕФОНИ - ANDROID ИЛИ IPHONE: Овие видови мобилни ги користат Гејтс, Закерберг, Бафет и Безос

ПОЗНАТИОТ ГОТВАЧ ЏЕЈМИ ОЛИВЕР ОТВОРИ РЕСТОРАН ВО НАШЕТО СОСЕДСТВО - еве каде точно се наоѓа и какви се цените

ПОЗНАТИОТ ГОТВАЧ ЏЕЈМИ ОЛИВЕР ОТВОРИ РЕСТОРАН ВО НАШЕТО СОСЕДСТВО - еве каде точно се наоѓа и какви се цените

ПЛАТЕНИ СЕ 45 ИЛЈАДИ ЕВРА ЗА 27 АКЦИИ НА „РЕПЛЕК“ - кој е инвеститорот во фармацевтската компанија

ПЛАТЕНИ СЕ 45 ИЛЈАДИ ЕВРА ЗА 27 АКЦИИ НА „РЕПЛЕК“ - кој е инвеститорот во фармацевтската компанија

Од 1 април зголемена минимална плата во Грција

Од 1 април зголемена минимална плата во Грција

ДУИ со експанзија во угостителството

ДУИ со експанзија во угостителството

ПРОДАЖБАТА НА ВИНО ДОНЕСЕ ПРИХОДИ ОД 950 ИЛЈАДИ ЕВРА, НО ОВА НЕ БЕА ЛЕСНИ ДЕНОВИ ЗА „ПОПОВА КУЛА“ - скапа струја и шишиња, недостиг од работници...

ПРОДАЖБАТА НА ВИНО ДОНЕСЕ ПРИХОДИ ОД 950 ИЛЈАДИ ЕВРА, НО ОВА НЕ БЕА ЛЕСНИ ДЕНОВИ ЗА „ПОПОВА КУЛА“ - скапа струја и шишиња, недостиг од работници...

КИНЕЗИТЕ ДОБИВААТ УШТЕ ДВЕ ГОДИНИ РОК ЗА ИЗГРАДБА НА АВТОПАТОТ КОН ОХРИД: измените на законот пред пратениците, кој ќе го гласа?

КИНЕЗИТЕ ДОБИВААТ УШТЕ ДВЕ ГОДИНИ РОК ЗА ИЗГРАДБА НА АВТОПАТОТ КОН ОХРИД: измените на законот пред пратениците, кој ќе го гласа?