Пет се местата каде што богатите кријат пари, за да не плаќаат даноци

Добивај вести на Viber

Транснационалните корпорации користат комплексни и различни структури, за да не плаќаат даноци, но најчесто ги кријат своите пари во „офшорки“ во пет развиени земји. Тоа се посочува во истражување на научници од Амстердамскиот универзитет, објавија во списанието „Нејчр“.

Авторите на студијата сметаат дека 47% од корпоративните инвестиции во офшорки се вршат во Холандија (23%), Велика Британија (14%), Швајцарија (6%), Сингапур /(6%) и Ирска (1%).

18 од 24 најпопуларни даночни засолништа во минатото биле колонии или зависни територии на Велика Британија и некои го задржуваат овој статус до ден-денешен. Во првата десетка на офшорките само Луксембург и Тајван немаат толку блиски врски со Велика Британија. Листата е предводена од Британските Девствени Острови.

Според податоци од различни извори, офшорките ги лишуваат земјите од Европската унија годишно од даночни приходи во износ од 43 до 175 милијарди евра. Во САД компании кријат од даноци во офшор најмалку 130 милијарди долари годишно.

Според оценките на Меѓународниот монетарен фонд и организацијата „Tax Justice Network“, ако добивката на компаниите се оданочува според местото каде што работат, ТНК ќе плаќаат 500-650 милијарди долари даноци повеќе во целиот свет. Од оваа сума земјите губат околу 200 милијарди долари од даноци годишно, што е 1,5 пати повеќе од меѓународната помош, доделувана на овие држави (142,5 милијарди долари во 2016 година).