Планот на ОПЕК да ги крене вештачко цените на нафтата е пред неуспех
Објавено во: Економија 24 Октомври, 2016
Желбата на ОПЕК да го намали производството на нафта и на тој начин да ги зголеми цените е на пат да пропадне. Причината е дека Ирак, кој е втор најголем производител меѓу земјите во картелот, одбива да го намали своето производство. А без неговото учество поставените цели се тешко оставрливи, пишува Reuters.
На крајот на септември Организацијата на земјите-извознички на нафта се договорија за време на средбата во Алжир да го ограничат производството на нафта. Планот беше производството да биде во рамките на 32,5 - 33 милиони барели дневно од сегашните околу 33.4 милиони барели на ден.
Во неделата сепак Ирак изјави категорично дека ќе го задржи своето производство на ниво од 4.774 милиони барели дневно, а извозот - на 3.87 милиони барели. Причината е дека Багдад сака да го зголеми својот удел на пазарот, а освен тоа не се знае колку ограничување на производството ќе ги намали цените, бидејќи производителите во САД го зголемуваат производството во последните 11 недели.
„Нема да бидеме наведени да отстапиме ниту од ОПЕК, ниту од кој и да е“, коментира Фалах ал-Амри, директор на државната нафтена компанија.
За време на утринското берзанско тргување цената на нафтата од типот Брент падна до 51.6 долари за барел, што е пад од 0,4% во однос на нивото на затворање од петокот. WTI поевтини исто со толку до 50.63 долари за барел.
„Веројатно бројот на платформите во САД ќе продолжи да се зголемува како резултат на неодамнешното поскапување на нафтата“, се вели во коментар на американската банка Morgan Stanley.
Кон сето ова треба да се додаде и слабиот увоз на суровината од страна на некои развиени земји. Во септември Јапонија произвела 4.6% помалку нафта во однос на истиот месец претходната година.
Можеби ќе ве интересира
ЛАНИ „ИЗМЕСИЈА“ ФАНТАСТИЧЕН ПРОФИТ, АМА СО НЕГО ЌЕ ПОКРИВААТ СТАРИ МИНУСИ - кои се акционерите што нема да добијат дивиденда од најголемиот производител на леб
НЕМА НАДЕЖ ЗА ПОДОБРИ ПЕРФОРМАНСИ: домашната економија се бори со „институционални кочници“, потребни се структурни реформи
„НИКОЈ НЕ МИ ВЕРУВАШЕ ДЕКА ВО РЕСТОРАНОТ МОЖАТ ДА СЕДАТ И СЕМЕЈНО ДА РУЧААТ ЛУЃЕ ОД ПОВЕЌЕ НАЦИОНАЛНОСТИ“ - Дабевски за искуството со „Кораб Трница“ за „Бизнис муабети“
КОИ СЕ ШПЕДИТЕРИТЕ КОИ ТРИЈАТ РАЦЕ, А ЌЕ СЕ ОФАЈДАТ ОД ЧОКОЛАДИ - еве како „Европа“ ќе ја распредели својата ланска добивка
ММФ: Maкедонија годинава ќе има економски раст од 2,7 отсто
ВРАБОТЕНИТЕ ВО ПОШТИ СЕ ЗАКАНИЈА СО ШТРАЈК: Доведени се во прашање повеќе од 2.000 работни места
ПРЕКУВРЕМЕНА РАБОТА ВО ГЕРМАНИЈА - како се плаќа и оданочува, и колку прекувремени часови смеете да имате
