По три години невработеноста им падна под 5 проценти
Објавено во: Финансии 20 Септември, 2017
Стапката на невработеност во Русија падна под 5 проценти во август за прв пат во последните три години. Ова се официјалните статистички податоци објавени денеска. Во исто време, властите почнуваат да се плашат од можен недостаток на работна сила, објави АФП.
Неделниот извештај на Сојузната агенција за статистика Rossstat, исто така, укажува на забрзување на потрошувачката на домаќинствата по падот од јули.
Стапката на невработеност се намали на 4,9 проценти во земјата, што претставува најниска вредност од септември 2014 година, од 5,1 проценти во јули и 5,6 проценти во јануари.
За разлика од кризата во 2008 - 2009 година, невработеноста се зголеми сосема слабо за време на рецесијата, која ја погоди Русија во 2015 и 2016 година поради падот на цените на нафтата и западните санкции поради украинската криза, достигнувајќи 6 проценти.Демокрафската ситуација во Русија е еден од факторите кои предизвикуваат загриженост меѓу властите и некои економисти дека растот на економијата може да достигне максимум 1,5 проценти во текот на следните години, што е далеку од целите поставени од претседателот Владимир Путин.