Добивај вести на Viber
Виктор Векселберг е најбогат човек во Русија, информира Блумберг. Основачот на Ренова Груп, со седиште во Москва, кој има инвестиции во енергетиката, градежништвото и рударскиот сектор, додаде 1.5 милијарди долари кон својата сметка вчера, откако Роснефт се согласи да плати 54.8 милијарди долари, за да го купи „TNK-BP“ во третата најголема зделка во нафтениот сектор во историјата.
Состојбата на 55-годишниот Векселберг се проценува на 18 милијарди долари, па според индексот на милијардери на Блумберг, тој со над 700 милиони долари, го надминува Алишер Усманов, кој беше сметан за најбогатиот Русин од 5-ти март, кога листата беше објавена за прв пат.
Роснефт купи 50-отсто удел на „BP Plc“ во „TNK-BP“ за 26.8 милијарди долари во готово и во акции и има договор да добие половина од компанијата која е во сопственост на конзорциумот „Alfa-Access-Renova“, зад кој стојат милијардери како Векселберг, Михаил Фридман, Герман Кан, Алексеј Кузмичев и Лен Блаватник, за 28 милијарди долари во готово.
По објавувањето на трансакцијата состојбата на Фридман се зголемува со 1.2 милијарди долари до 15.1 милијарди долари, со што тој го надминува Роман Абрамович и Алексеј Мордашов според овој индекс на милијардери. Така Фридман веќе е петтиот најбогат Русин.
Богатството на Блаватник, кој е американски индустриалист, роден во Русија и е студент на Векселберг, се зголемило за 1,5 милијарди долари и стигна до 15.4 милијарди долари, со што Блаватник веќе е 46-тиот најбогат човек во светот.
По финализирањето на зделката Роснефт ќе се израмни по производство со „Exxon Mobil Corp.“ најголемата јавна нафтена компанија во светот и ќе контролира над 40% од производството на сурова нафта во Русија.