ПОБЕДА НА РАБОТНИЦИТЕ: Како Рајанер изгуби на суд?
Објавено во: Свет 14 Септември, 2017
Ирската нискобуџетна авиокомпанија Рајанер ја изгуби правната битка.
Европскиот суд на правдата го негираше правото на авиокомпанијата на својот персонал кој работи во други земји во Европа да им наметнува ирски закони за работа.
Европскиот суд пресуди во корист на шест работници на Рајанер од различна националност, вработени на аеродромот Шарлро во Белгија, кои тврдат дека мораат да бидат предмет на белгискиот закон за работа.
Работата на тие работници, според мислењето на Рајанер, ја извршуваат во Ирска бидејќи авионите на кои работат се регистрирани таму, иако договорите за работа кои ги имаат гласат на нивната „база“ белгиски град Шарлро, каде го почнуваат и завршуваат својот работен ден.
„Целта на европските прописи за законската надлежност е да се заштити слабата страна, а на вработените да им се овозможи право да го тужат работодавецот на судови кои се најблиски до неговиот интерес“, се соопштува од судот.
„Клаузулата во договорот на персоналот, со која се тврди дека ирските судови имаат јурисдикција и ги спречуваат вработените да покренат постапки на други места, не е применлива“, се додава во пресудата на Судот.