Почина пресмешниот Рене од култната серија „Ало, ало“
Објавено во: Свет 23 Јануари, 2017
Британскиот актер Горден Кај кој стана препознатлив како Рене од култната комична серија „Ало, ало“ почина на 75 годишна возраст, соопшти неговата менаџерка за BBC. Кај имал богата актерска кариера, а исто така работел како радиски водител, па се издвојува неговото познато интервју со рок групата Битлс.
Серијата „Ало,ало“ прикажуваше пародични ситуации во едно француско кафе за време на нацистичката окупација во Париз и се исмеваше со Германците, Французите но, и со самите Англичани. Оваа серија долго време се емитуваше и на македонските ТВ екрани па, со сигурност може да се каже дека е една од омилените.
Кај во 1990-та преживеа тешка сообраќајна несреќа која го одалечи од ТВ и филмски проекти, па потоа ретко добиваше улоги. Во 2007-ма сними посебна епизода на Ало, ало, а серијата доби и театарска верзија.