Поднесени првите оставки на членови во ДИК
Објавено во: Македонија 11 Декември, 2017
Високите надоместоци кои членовите на ДИК си ги поделиле меѓусебно и тајно од јавноста, доведоа до оставки.
Под притисок на јавноста утрово се поднесени и три оставки.
Имено, претседателот на комисијата Александар Чичаковски, и членовите Виолета Дума и Игор Милев се повлекуваат од функциите во Државната изборна комисија откако изби скандалот дека членовите на ДИК зеле високи надоместоци за последните неколку изборни циклуси и интернет петицијата за оставка на членовите на Комисијата.
Инаку мандатот на овој состав на комисијата истекува во 2020 година.
Милев и Дума за дел од медиумите потврдиле дека парите ги вратиле во буџетот, откако службите на ДИК извршиле конусултации со Министерството за финасии од каде што им било објаснето дека може да ги вратат надоместоците.
Чичаковски пак денеска за МИА изјавил дека поднел барање за престанок на функцијата претседател на Комисијата од лични причини.