29 Март, 2024
0.0267

Подобрена безбедноста на складот за оружје „Еребино“

Објавено во: Мои пари 23 Декември, 2016

Добивај вести на Viber

Заврши проектот за подобрувањето на безбедноста на главниот склад на Министерството за одбрана за муниција и за мало и лесно оружје, кој се наоѓа во Еребино. Проектот, финансиран од Европската унија, чини 255.000 евра и беше спроведен од страна на Програмата за развој на Обединетите нации (УНДП) преку регионалниот проект SEESAC посветен на запирање на пролиферацијата на незаконското оружје. 

Крајот на активностите за подигање на безбедноста на складот беше одбележан со церемонија за примопредавање на 23 декември, 2016 година, на која присуствуваа Министерот за одбрана Зоран Јолевски, Постојаниот претставник на УНДП, Луиза Винтон и Тибор Варади, политички советник во Делегацијата на ЕУ во Скопје.

„Нелегалната трговија со оружје се уште е предизвик во Југоисточна Европа“, истакна Винтон.  „Подобрувањето на безбедноста на складот во Еребино е голем чекор напред за да се спречи можноста оружјето и муницијата да паднат во погрешни раце“.

Зголемената безбедност на складот во Еребино е направено согласно меѓународните безбедносни стандарди, и се состои од обновување на оградата околу складот, поставување нова влезна порта, обезбедување на прозорците и вратите, надградба на електричната инсталација и на надворешното осветлување, како и набавка и поставување на опрема за видео надзор на целиот периметар. 

Програмата за развој на Обединетите нации (УНДП), во 2015 година спроведе сличен проект финансиран од ЕУ, во вредност од 270.000 евра за подобрување на главниот склад за вишок оружје и муниција на Министерството за внатрешни работи во Орман, на излезот од Скопје.

И двата проекти имаат за цел да обезбедат посигурно чување на малото и лесно оружје и на муницијата и да придонесат за поефикасно управување со резервите на оружје.  Со спречување на кражбите и на загубите, овој пристап има за цел да ја спречи незаконската трговија на малото оружје во регионот и пошироко.

Големите резерви на оружје и минатото на конфликти во регионот предизвикаа загриженост не само за безбедноста во овие земји, туку исто така и поради можностите за прекугранично шверцување на оружје во европските земји на север, меѓу другото и за терористички цели.  Решавањето на овие проблеми е во сржта на стратегијата на ЕУ за борба против незаконското насобирање и трговијата со мало и лесно оружје и муниција за нив. Со мандат добиен преку Одлуката на Советот 2013/730/CFSP, подобрувањето на складовите преставува продолжување на поддршката на ЕУ за борбата против незаконското оружје во Југоисточна Европа, и претставува основен дел во напорите да се постигнат целите од Стратегијата за мало и лесно оружје на ЕУ .

Надградбата на складовите во Еребино и Орман се една компонента од поддршката на ЕУ за проектот на SEESAC за активности за разоружување и контрола на оружјето во Југоисточна Европа (EUSAC). Подготвен во тесна соработка со националните власти, проектот EUSAC содржи пет главни активности:

  • Подобрена безбедност на резервите: преку реновирање и подобрување на безбедноста на складовите за оружје и муниција.
  • Намалување на резервите: преку уништување на вишокот оружје и муниција што се чува во складовите.
  • Подобрено обележување, следење и регистрација на малото и лесно оружје: преку обезбедување поддршка за воспоставување или подобрување на постојните системи за регистрација и евиденција на оружјето.
  • Подобрена регионална соработка за подигање на свеста, размена на информации и знаење: преку олеснување на регионалната соработка помеѓу националните институции задолжени за контрола на оружјето.
  • Спроведување на кампањи за собирање на оружјето и подигање на свеста.

Можеби ќе ве интересира

ПРОЛЕТНО ЛУДИЛО ОД ДОБИВКИ, НАЈНОВА ПРОМОЦИЈА НА 2win.мк

ПРОЛЕТНО ЛУДИЛО ОД ДОБИВКИ, НАЈНОВА ПРОМОЦИЈА НА 2win.мк

Технолошкиот глобален лидер „Инграм Микро“ го проширува своето присуство во Северна Македонија со отворање на Тренинг центар

Технолошкиот глобален лидер „Инграм Микро“ го проширува своето присуство во Северна Македонија со отворање на Тренинг центар

Приматели на плата - Рационалното управување со финансиските средства е клучно за безгрижна иднина

Приматели на плата - Рационалното управување со финансиските средства е клучно за безгрижна иднина

Неспоредливо забавно патување со Move TV, стриминг платформа со најголем број на ТВ канали во Македонија

Неспоредливо забавно патување со Move TV, стриминг платформа со најголем број на ТВ канали во Македонија

Склучен Меморандум за соработка со Кроација осигурување АД, Друштво за неживотно осигурување Скопје

Склучен Меморандум за соработка со Кроација осигурување АД, Друштво за неживотно осигурување Скопје

Дарко Лукиќ од 1 јули е новиот извршен директор на Групацијата Нелт

Дарко Лукиќ од 1 јули е новиот извршен директор на Групацијата Нелт

Континуирана едукација и почитување на етичките и професионалните меѓународни стандарди се клучни за статусот и развојот на сметководството

Континуирана едукација и почитување на етичките и професионалните меѓународни стандарди се клучни за статусот и развојот на сметководството

Општина Центар е лидер во промени, Иницијативата за конфискација на дивоградби се преточи во закон

Општина Центар е лидер во промени, Иницијативата за конфискација на дивоградби се преточи во закон

Прилепска Пиварница одбележува 100 години постоење

Прилепска Пиварница одбележува 100 години постоење