Полесно до работа на интернет за 800 евра, отколку во приватен сектор за 250 евра
Објавено во: Финансии 16 Октомври, 2017
Eна Садиковиќ од Пријепоље се занимава со креирање на дигитални илустрации за веб сајтови и блогови.
Таа сама наоѓа купувачи и ги продава своите услуги.
Учела на грешките додека не нашла неколку сериозни клиенти.
Таа набавила опрема вредна 4000 евра и почнала да работи со полна пареа.
Садиковиќ работи со странски клиенти, соработува со луѓе од целиот свет и се покажало дека е подобро да заработува на ваков начин отколку да работи во приватен сектор за плата од 250 евра.
„Да се напредува во архитектура во мојот град е многу тешко. Затоа решив дека наместо да ги разубавувам куќите на гастербајтерите, да го разубавувам интернетот и проблемите да ги решавам со дизајнот“ - вели оваа девојка.
Идејата за една ваква работа имала со години, а почнала прво да дизајнира за семејството, блиските, пријателите.
Објаснува дека од 30 пријатели и врсници во нејзиниот град 14 се без работа, а другите со задоволство би ја смениле работата.
„Тие не се задоволни од нивните шефови кои ги тераат да работат премногу за 250 или 350 евра. Тоа е она што ме лути. Со тие пари овде можат да живеат, но не можат да патуваат како нивните врсници од другите земји“ - вели Садиковиќ.
Додава дека нејзината просечна плата е 800 евра месечно.