Граѓаните револтирани - полицијата ќе стави крај на дивите трки во Скопје

Добивај вести на Viber

Полицијата ќе стави крај на дивите трки на скопските улици и ќе придонесе за зголемување на безбедноста во сообраќајот, откако Фактор вчера објави дека хаос владее на „Партизанска“ и дека граѓаните реагираат. 

Полицијата синоќа спровела акција. Од МВР додаваат дека на подрачјето на Скопје се позабележителна е појавата на возачи на моторцикли кои со нивното брзо возење прават голема врева и го нарушуваат јавниот ред и мир. Дополнително тие ги вознемируваат граѓаните. 

Од полицијата наведуваат дека во главниот град се случуваат диви трки чии несовесни возачи ја загрозуваат безбедноста во сообраќајот и нивната лична безбедност. За сето ова имало рекции на јавноста и поплаки од граѓаните за нарушен јавен ред и мир.

„Полицијата е решителна да стави стоп на овој вид на појави и од тоа отстапување нема. Ќе бидеме присутни и во наредните денови континуирано со преземање на интензивни мерки со цел воспоставување на безбедноста во сообраќајот“- вели Билјана Милевска начaлник на Одделението за превенција при СВР Скопје.

За два дена преземени се мерки за возачи на моторцикли заради пречекорување на брзина, непочитување на знаци, немање возачка дозвола и кацига, возачи на моторцикли во алкохолизирана состојба, нерегистрирани моторцикли.

Читајте уште 

Хаос и дивеење по Партизанска – Проблемот не се решава систематски