21 Февруари, 2018
0.4649
    ALK 7801.99    -1.64%     BESK 10275    -3%     GRNT 810    -0.06%     KMB 3389.73    -0.22%     MERM 800    -20%     MPT 29500.63    0%     OKTA 3620    0.56%     RMDEN16 94.9    0.11%     RZUS 139    3.73%     SBT 2041    -2.86%     STB 940.85    0.03%     STIL 139.03    -4.1%     TETE 2286.67    2.27%     TKVS 3110    2.98%     TNB 13581.59    -0.42%     TPLF 1649.9    1.35%     TTK 947    -2.97%     UNI 2050    0%

Политичка (не)коректност

Објавено во: Македонија, Колумни 20 Октомври, 2017

Никола Макијавели, еден од најпознатите ренесансни политички филозофи и  векови подоцна е актуелен, цитиран и катадневно присутен, посебно кога се во прашање политички теми, дилеми,прашања, проблеми и избори. Не верувам дека постои академски граѓанин кој не чул за терминот макијавелизам, кој и ден денес е синоним за бескрупулозност, или за познатата синтагма “целта ги оправдува средствата”, максима која се изрекува посебно за политичарите и тоа како метафора за победа во политичка битка по секоја цена или народски кажано “газење преку лешеви”. Не случајно ја почнувам колумната со Макијавели, бидејќи толку многу беше цитиран и практициран за време на последниве локални избори, кои во одредени градови се уште го немаат добиено својот финиш. До таа мера се одеше со дискредитација и омаловажување на политички другиот или политичкиот противник, што и самиот Макијавели може да позавиди, и денес, некој друг негов следбеник, да напише уште поинтензивно и пореално дело од неговиот “Владетел”.

  Какви пораки добивавме и се уште добиваме од политичарите кои треба да ни ги водат нашите општини, нашиот град, од оние кои се креатори на јавното мнение и во чии раце, на суптилен начин, е судбината на многумина. Пораки, писанија, брошури кои изобилуваат со толку многу ветувања, и читајќи ги добиваш впечаток дека живееш во Њујорк, или Берлин и очекуваш локалните проблеми да исчезнат уште во првите денови на владеењето на локалните власти. А реалноста е многу посурова и е далеку од шарени лаги и преувеличани вистини, кои за жал многумина, пред се партиските послушници,  ги голтаат со толкава леснотија,чиниш се реални и лесно остварливи. И не за џабе Макијавели рекол дека владеењето (политиката) не оди рака под рака со моралот и дека владетелот или политичарот мора да биде надвор од обичајните морални кочници, бидејќи во политиката доброто и посакуваното не се исто што и доброто и посакуваното во секојдневниот живот.  Посебно кога ќе го чуете вокабуларот на одредени политичари сфаќате колку се далеку од морално подобни личности. Да е трагедијата уште поголема, истите тие градоначалници или кандидати за градоначалници полни се со омраза и негативен набој кон политичкиот противник, што блујат отров и злоба при секоја можност да го дискредитираат политички другиот. А кутрите пак кога ги гледате на медиумите изгледаат толку фини и добродушни и така милно ви продаваат вредности и морал, што доколку не ги знаете или не сте ги чуле нивните говори, може и ќе им поверувате во нивната наивност, но за среќа народот не е со кратко помнење и слушајќи ги му се гади од нивното хипокритизерство.

  Точно е дека политичарот, по теркот на Макијавели, не може истовремено и да го сакате и да му се плашите, тоа е само по себе неспоиво и непоимливо, и затоа најчесто како препорака за да бидеш добар носител на политичка функција е позначаен вториот сегмент. Секако дека политичарите не убедуваат дека тие мислат на нас, ни се умилкуваат, потпикнуваат, додворуваат, се со цел да се развие една блага наклоност, симпатија и позитивна емоција кон нив, но за среќа нивната реана слика мошне брзо ни се открива и сфаќаме дека станува збор за волци во јагнешка кожа. И токму стравот, кој владееше сиве овие години, и токму макијавелизмот кој беше величан од оние кои до скоро ја практицираа и централната и локалната власт, беше причина за стравот и грчот во кој егзистираа луѓето, често несвесни за сета болка која ја преживуваат и бирајќи го најмалото од сите понудени зла. Промените покажаа дека стравот може конечно да го ослободиме и позитивните емоции да завладеат кај секое битие.

  Уште еднаш ќе се навратам на голготата која ја преживувавме со години и како тоа со леснотија сме го поднесувале, сметајќи дека има уште многу до дното, а всушност дното било одамна над нас. И она што не можам да го сфатам се уште дека и во оваа последнава политичка кампања постојат локални моќници кои мислат дека општината им е семејно наследство, и со тоа самите уште повеќе тонат во живата кал. Се изнаслушавме еден тон небулози и лаги, се изнаслушавме еден куп лоши говори и бледи копии на некои поранешни политичари, божем фајтери, но само малку останало од тоа. А она што згрозуваше и што беше крајно политички некоректно беше дискриминацијата и плукањето по сите основи на политичкиот противник. Слушнавме за бегалски кампови, за лицитација со идентитет, па се до хомофобни изјави и гнасни етикети, кои нормалниот ум не може да ги перцепира и восприема. И тогаш си велите, па зарем до тука е дојдено, зарем тие личности го достигнале сопственото морално дно и веќе без никакви скрупули шират лаги и невистини? Е затоа многумина од нив беа политички казнети, но истовремено тоа е и опомена за секој следен дека блуењето лаги, невистини и оцрнувањето на лична основа на својот политички противник апсолутно не носат бенефит, напротив, само казната е поголема и цената што се плаќа е повисока. Памет не за некого, туку за секого, политичката коректност треба да биде пред се и над се во секоја политичка битка.

Проф. Д-р Татјана Стојаноска Иванова

Институт за социологија

Филозофски факултет-Скопје


Можеби ќе ве интересира

Мицкоски: Нема да бидеме дел од решение коешто нема да одговори на интересите на Македонија

Мицкоски: Нема да бидеме дел од решение коешто нема да одговори на интересите на Македонија

Ердоган: Tурција има принципиелен став без дилеми за спорот со името

Ердоган: Tурција има принципиелен став без дилеми за спорот со името

Снег на повеќе локации и забрана за тешки товарни возила

Снег на повеќе локации и забрана за тешки товарни возила

Иванов во Анкара: Поканата за членство на Македонија во НАТО ќе биде уште еден поттик за реформските процеси

Иванов во Анкара: Поканата за членство на Македонија во НАТО ќе биде уште еден поттик за реформските процеси

ШТИПЈАНЕЦ ВО НАJГОЛЕМАТА САЈБЕР КРИМИНАЛНА ОРГАНИЗАЦИЈА: Извлекле 530 милиони долари од сметки од целиот свет

ШТИПЈАНЕЦ ВО НАJГОЛЕМАТА САЈБЕР КРИМИНАЛНА ОРГАНИЗАЦИЈА: Извлекле 530 милиони долари од сметки од целиот свет

Едвај се избраа новите потпретседатели на Собранието

Едвај се избраа новите потпретседатели на Собранието

Македонија ВТОРА во Европа по смртност на новороденчиња

Македонија ВТОРА во Европа по смртност на новороденчиња

Села можел да умре доколку докторите навремено не интервенирале

Села можел да умре доколку докторите навремено не интервенирале

Предлог-законот за аудио и аудиовизуелни медиумски услуги е усвоен

Предлог-законот за аудио и аудиовизуелни медиумски услуги е усвоен