ПОЛНЕТЕ РЕЗЕРВОАРИТЕ: Нов скок на цената на нафтените деривати
Објавено во: Економија 22 Јануари, 2018
Од ноќеска на полноќ возачите ќе точат горива по нови цени.
Оваа одлука доаѓа од Регулаторната комисија за енергетика која реши во следните две недели бензините и дизелот да се точат по цени повисоки за еден денар.
Имено oд утре Еуросупер БС-95 ќе се точи по цена од 67,50 ден/лит а литар Еуросупер БС-98 ќе чини 69,50 ден.
Поскапува и Еуродизелот чија цена ќе биде 60,50 ден/лит.
Регулаторна реши да ги зголеми цените и на ектралесното масло за домаќинство кое ќе чини 49,00 ден/лит а за половина денар поскапува и мазутот.
Од РКЕ како причина за новите цени на нафтените деривати ги посочуваат растот на берзанската цена на суровата нафта во изминатите две недели за 4,54% како и нискиот курс на доларот спрема денарот за 1,44%.