ПОПЛАВИ ВО ГРЦИЈА И АЛБАНИЈА: Како се справуваат со штетите?
Објавено во: Балкан 04 Декември, 2017
Грција и Албанија се справуваат со поплавите кои ги зафатија. Поројните дождови во Грција направија големи штети во западниот дел на земјата.
Бурата ги зафати градовите Агринио и Месолонги, а многу села во тој регион се под вода. Поплавени беа куќите, а по улиците имаше повеќе од еден метар вода. Лоша е ситуацијата и во Епир каде на многу места имаше лизгања на земјиште и поплавени згради, а пожарникари спасуваа луѓе од куќи кои биле затрупани од свлечишта и многу вода.
Албанија пак, засега брои една жртва по големите поплави.
Илјадници луѓе се евакуирани од поплавените подрачја. Помош за справување со поплавите пристигна и од Косово.