Попоски: Потребата од договор е апсолутно наметната од бугарска страна
Објавено во: Македонија 21 Јули, 2017
Потребата од договор е апсолутно наметната од бугарска страна, вели поранешниот министер за надворешни работи, Никола Попоски во интервју за ТВ 24.
Вели дека ако е во прашање градење на добрососедски односи има плејада на активности кои може да се направат, но при тоа да не се создаваат проблеми од едната или другата страна. Попоски додава дека нивните препораки упатени до премиерот се конструктивни.
„Можеме да имаме договор, тој договор е многу важно како ќе биде формулиран“ - вели Попоски.
Ако се прифатат нивните препораки вели дека во Собранието ќе го поддржат договорот.